“Azərbaycan Qarabağın münaqişəsininnizama salınması ilə
bağlı Ermənistanın qarşısına son tələbini qoydu: sülh əvəzinə
ərazilərin qaytarılması”.
Publika.az xəbər verir ki, bu barədə erməni jurnalist
Naira Ayrumyan əldə etdiyi məlumatlara əsasən yazıb.
Erməni jurnalist Azərbaycan Ordusunun Ermənistana məxsus “OSO”
zenit-raket kompleksini vurmasının İrəvanda ciddi narahatlıq
yaratdığını deyib: “Son vaxtlar cəbhədə gərginlik artıb. Bakı
İrəvan qarşısına şərt qoyub: əsgərlərinizin ölməsini
istəmirsinizsə, rayonları qaytarın və qoşunları bölgədən
çıxarın”.
N.Ayrumyan rəsmi İrəvanın Bakının tələbi qarşısında susduğunu
bildirib.
“Ermənistan əraziləri qaytarmağa hazırdımı? Ermənistan üçün indiki
məqamda sülh əhəmiyyətlidir. Xarici işlər naziri Eduard Nalbandyan
bildirdi ki, Ermənistan danışıqlara hazırdır, çünki bunun
alternativi yoxdur. Lakin Bakının tələbi haqda heç nə demədi,
susdu. Bu, razılıq əlamətidirmi? Bununla yanaşı, “aprel
müharibəsi”ndən sonra İrəvan “ərazilərin qaytarılması əvəzində
Qarabağın müstəqilliyinin tanınması” şərtini irəli sürmüşdü.
Görünür, Ermənistan bu şərtini geri çəkib. İndi Bakı diktə edən
tərəf kimi çıxış edir”, - deyə erməni jurnalist vurğulayıb.
Asif
