Bakı. 17 may. REPORT.AZ/ İŞİD Əfqanıstanın şərqində Dövlət Televiziya və Radio Şirkətinin ofisinə edilən hücuma görə məsuliyyəti üzərinə götürüb.
Bu barədə "Report" "Reuters"ə istinadən xəbər verir.
Hücum bu gün səhər saatlarında Cəlilabadda, Nənqərhər vülayətinin inzibati mərkəzində baş verib. Bir qrup silahlı televiziya və radio şirkətinin ofisinə daxil olaraq atəş açıb.
Vilayətin qubernatorunun nümayəndəsi Ataulla Hogiani məlumatı təsdiqləyərək bildirib ki, hücüm edənlərin sayı 5 nəfər olub.
"Tolo News"un məlumatına görə, silahlıların 4-ü məhv edilib, 1-i isə həbs edilib. Hücum nəticəsində 2 nəfər həlak olub, 14 nəfər yaralanıb.
