Bakı. 17 may. REPORT.AZ/ “Hewlett Packard” şirkəti rekord həcmdə - 160 terabayt yaddaşı olan kompüter prototipini nümayiş etdirib.
“Report” xəbər verir ki, şirkətdən kompüterin böyük verilənlər bazası ilə işləmək üçün yaradıldığı bildirilib.
Kompüter 160 mln. kitab ekvivalentində məlumatı eyni vaxtda analiz edir. “The Machine” adlanan cihaz Linux əsasında əməliyyat sistemi istifadə edir. Şirkətdən qeyd olunub ki, əsasən prosessora deyil, yaddaşa diqqət yetirilib.
Bu cihaz üzərində işə beş il öncə başlanılıb. Üç il əvvəl onun üzərində HP-nin laboratoriyasında çalışanların 75%-i işləyib.
