Yeni mövsüm üçün iddialı heyət qurmaq istəyən "Trabzonspor" transfer bombasını partladır.
Milli.Az fanat.az-a istinadla xəbər verir ki, Qara dəniz klubu Frank Riberini heyətinə qatır.
Məlumata görə, artıq transfer danışıqları yekunlaşmaq üzrədir. Klub futbolçu ilə anlaşıb. İndi fransız ulduzun forma geyindiyi "Bavariya" ilə razılıq əldə edilməlidi. Məlumata görə, "Bavariya" türklərdən bu transferə görə 5 milyon avro istəyir. "Trabzonspor" isə 3,5 milyon avro təklif edir. Aradakı 1,5 milyon avroluq fərqlə bağlı razılıq əldə olunsa, transfer qısa zamanda reallaşacaq. Riberi özü isə illik 3 milyon avro maaş alacaq.
Qeyd edək ki, Riberi 2005-ci ildə "Mets"dən "Qalatasaray"a 5 milyon avroya transfer olunub. Lakin 6 ay sonra İstanbul klubunu qalmaqallı şəkildə və heç bir transfer haqqı ödənmədən tərk edərək "Marsel"ə keçib. "Bavariya" 2007-ci ildə onu 25 milyon avroya alıb.
Milli.Az
Digər maraqlı xəbərlər Milli.Az-ın Facebook səhifəsində
