Dünyanın ən zəngin boksçusu, peşəkar boksda karyerasını bu il başa vurmuş amerikalı Floyd Meyvezer ABŞ-ın Mayami şəhərindəki villasından videogörüntülər yayıb.
Milli.Az bildirir ki, 40 yaşlı Meyvezer 3 milyon dollarlıq villasının qarajındakı 6 Rolls Royce avtomobilini nümayiş etdirib.
Hamısı ağ rəngdə olan bu avtomobillərin toplam dəyəri 2,9 milyon dollardır.
Videokadrlarda 420 min dollarlıq iki Rolls Royce Drohead, 480 min dollarlıq Rolls Royce Phantom, 492 min dollarlıq Rolls Royce Phantom 2, 430 min dollarlıq Rolls Royce Ghost Extended Wheelbase və 300 min dollarlıq Rolls Royce Wraith var.
Floyd Meyvezer 19 illik peşəkar boksçu karyerası ərzində 1,1 milyard dollar qazanıb.
Hazırda sabiq boksçu səyahətdədir. Dünən o, Bora-Bora kurortundan fotolar paylaşıb.
Milli.Az
Videonu izləmək üçün şəklə klikləyin:
Digər maraqlı xəbərlər Milli.Az-ın Facebook səhifəsində
