Ermənistan prezidenti Serj Sarkisyan yeni çağırış
parlamentinin üzvləri qarşısında çıxışı zamanı Dağlıq Qarabağ
münaqişəsindən danışıb.
Publika.az xəbər verir ki, Sarkisyan mövcud status-kvonu
saxlamaq istəmədiklərini iddia edib.
“Biz status-kvonu saxlamaq istəmirik. Gələcək nəsillərin
çiyinlərinə bu məsələnin ağırlığını qoymaq da istəmirik. ATƏT-in
Minsk qrupunun həmsədrləri ilə birlikdə münaqişənin həllinə
çalışmağımız da bundan irəli gəlir”, - deyə həmişə
qeyri-konstruktiv mövqeyi ilə seçilən Ermənistan prezidenti
bildirib.
O, Qarabağda mövcud status-kvonun yalnız hərtərəfli qərarla dəyişə
biləcəyini qeyd edib.
Sarkisyan Azərbaycanın beynəlxalq arenada apardığı siyasətdən də
şikayətlənib.
Qeyd edib ki, Ermənistan Azərbaycanın beynəlxalq arenada
anti-erməni siyasətinə qarşı daha fəal işləməlidir.
Asif
