23 yaşadək futbolçulardan ibarət Azərbaycan millisi İslam Həmrəyliyi Oyunlarının rekordunu təkrarlayıb.
Milli.Az apasport.az-a istinadən xəbər verir ki, yığmamız buna quru seriyaya imza atmaqla nail olub.
Belə ki, Bakıda keçirilən IV İslam Həmrəyliyi Oyunlarında meydana çıxdığı 4-cü matçda da komandamızın qapısı toxunulmaz qalıb. Yarımfinalın Əlcəzairlə görüşündə 2:0 hesablı qələbəyə sevinən Yaşar Vahabzadənin yetirmələri qrup oyunlarındakı kimi qol buraxmayıb.
Öz qrupunda Kamerun və Mərakeşlə qolsuz heç-heçə edən, Səudiyyə Ərəbistanını 2:0 hesabı ilə yenən komandamız quru seriyasını artıq 4-ə çatdırıb. Oyunların tarixində yalnız 1 komanda belə seriyaya imza atıb. 2005-ci ildə keçirilən ilk yarışda İran millisi qrupun üç qarşılaşması və 1/4 finalı qol buraxmadan keçmişdi.
Milli.Az
Digər maraqlı xəbərlər Milli.Az-ın Facebook səhifəsində
