Bakının Nəsimi və Nərimanov rayonları ərazisində iki piyadanın vurulması ilə nəticələnən yol-nəqliyyat hadisələri baş verib.
Milli.Az report.az-a istinadən bildirir ki, ilk hadisə Ziya Bünyadov prospektinin Nərimanov rayonu ərazisindən keçən hissəsində qeydə alınıb. Yolu keçmək istəyən 1979-cü il təvəllüdlü Nuriyeva Bahar Vaqif qızını "Mercedes" markalı avtomobil vurub.
Hadisəni törədən sürücü yaralını xəstəxanaya yerləşdirib.
Digər hadisə Nəsimi rayonunda yerləşən Dədə Qorqud parkı yaxınlığında qeydə alınıb. Yolu keçmək istəyən 1954-cü il təvəllüdlü Qasımova Məxbulə Musa qızını avtomobil vurub. Yaralı, sürücü tərəfindən xəstəxanaya yerləşdirilib.
Hər iki faktla bağlı hüquq-mühafizə orqanları tərəfindən araşdırma aparılır.
Milli.Az
