Bakı. Elçin Mehdiyev - Trend:
Bakı-2017 IV İslam Həmrəyliyi Oyunlarında sərbəst güləşçilərin mübarizəsi davam edir.
Trend-in məlumatına görə, yarımfinal mərhələsində təmsilçimiz Şərif Şərifov (86 kq) iranlı Həsən Yəzdaniçərati ilə qarşılaşıb.
İki Olimpiya çempionunun görüşündən İran güləşçisi qalib çıxıb - 0:11.
Qeyd edək ki, Bakı-2017 İslam Həmrəyliyi Oyunları mayın 22-dək davam edəcək. Yarışlar Azərbaycan paytaxtının 16 idman obyektində 21 idman növü üzrə keçirilir.
