ABŞ prezidenti Donald Trampın Səudiyyə Ərəbistanına
səfərindən öncə İran öz mesajını verib.
Publika.az xəbər verir ki, Yəməndə İranın
dəstəklədiyi husilər Ər-Riyad yaxınlığındakı Ər-Rayn şəhərinə
ballistik raket atıb.
Səudiyyə Ərəbistanının “SPA” rəsmi xəbər agentliyi ballistik
raketin Səudiyyənin Hava Müdafiə Qüvvələri tərəfindən məhv
edildiyini açıqlayıb.
Qeyd edək ki, husilər dünən axşam Ər-Riyada “Burkan-2”
(Vulkan-2) ballistik raket atdıqlarını bəyan etmişdi. Səudiyyə
Ərəbistanının rəhbərlik etdiyi koalisiya gücləri isə Yəmənin
paytaxtı Sanada Atan dağındakı düşərgələrə 4 hava zərbəsi
endirib.
İranın dəstəklədiyi husilərin Ər-Riyada raket atmasını Səudiyyə
Ərəbistanına səfər edən Donald Trampa mesaj olduğunu hesab
edirlər.
Asif