Bakı. 20 may. REPORT.AZ/ “Qarabağ” klubundan ayrılan növbəti futbolçunun adı müəyyənləşib. "Report"un klubun rəsmi saytına istinadən verdiyi məlumata görə, bu, müdafiəçi İlqar Qurbanovdur.
O, Ağdam komandası ilə vidalaşan 4-cü futbolçu olub. 31 yaşlı oyunçudan əvvəl qapıçı Boyan Şaranov, eləcə də İlyas Səfərzadə və Vüqar Nadirov klubu tərk edib.
Qeyd edək ki, İlqar Qurbanov 2011-ci ildən “Qarabağ”da çıxış edirdi. 31 yaşlı müdafiəçi 144 oyunda 6 qol vurub.
