Bakı. Trend:
ABŞ-da "Qantas" aviaşirkətinə məxsus "Airbus A380" sərnişin təyyarəsi ABŞ-ın Los-Ancles şəhərində (Kaliforniya ştatı) təcili eniş edib.
Trend-in "TASS"a istinadən verdiyi məlumata görə, təcili enişə səbəb mühərriklərin birində nasazlığın olması olub.
"Cümə günü axşam saatlarında QF94 Los-Ancles-Melburn reysini həyata keçirən A380 təyyarəsi mühərriklərinin birində nasazlığın olması səbəbində Los-Anclesə geri dönüb", - "Qantas" aviaşirkətinin nümayəndəsi Tomas Vudvord deyib.
Onun sözlərinə görə, təyyarə təcili enişi yerli vaxtla saat 03:00-da edib. Mühərrikdə nasazlığın baş verməsi səbəbi müəyyənləşdirilir.
