Bakı. Trend:
Qadın güləşçimiz Bakı-2017 IV İslam Həmrəyliyi Oyunlarında qızıl medal qazanıb.
Trend-in məlumatına görə, 53 kq çəki dərəcəsində mübarizə aparan təmsilçimiz Leyla Qurbanova ilk görüşdə Türkiyə təmsilçisi Burcu Kevicini tam üstünlüklə məğlub edib.
İkinci oyunda qazaxıstanlı Aygül Nuralimi 6:0 hesabı ilə məğlub edən Azərbaycan təmsilçisi qadın güləşçilərimizin İslamiadada ilk qızıl medalına sahib olub.
Qeyd edək ki, Bakı-2017 IV İslam Həmrəyliyi Oyunları mayın 22-dək davam edəcək. Yarışlar Azərbaycan paytaxtının 16 idman obyektində 21 idman növü üzrə keçirilir.