Bu gün IV İslam Həmrəyliyi Oyunlarında futbol yarışlarının finalı baş tutacaq. Fanat.Az xəbər verir ki, millimiz Omanla üz-üzə gələcək.
Qrupda keçiridiyi oyunlarda Kamerun və Mərakeşlə qolsuz bərabərliyə razılaşan, Səudiyyə Ərəbistanını 2:0 hesabıyla yenən, yarımfinalda B qrupunun lideri Əlcəzairə də 2 cavabsız qolla qalib gələn Azərbaycan turnirin sürpriz komandasını yenməyə çalışacaq.
Əlbəttə, daha gənc oyunçulardan qurulmuş Oman millisi də finala iştirak xatirinə yüksəlməyib. Yaşar Vahabzadənin yetirmələrini çətin oyun gözlədiyi şübhə doğurmur.
Qeyd edək ki, 3-cü yer uğrunda Kamerun və Əlcəzair yığmaları mübarizə aparıb. Bu gün 14.00-da başlayan görüşdə 2:0 hesablı qələbəyə sevinən ərəblər bürünc medallara sahib çıxıb.
IV İslam Həmrəyliyi Oyunları
Futbol
Final
21:00. Azərbaycan - Oman
Tofiq Bəhramov adına Respublika Stadionu
Fanat.Az