İtaliyanın "Yuventus" klubu ardıcıl altıncı dəfə futbol üzrə ölkə çempionatının qalibi olub.
Publika.az xəbər verir ki, Turin klubu çempionluğunu "Krotone" üzərində qazanılan 3:0 hesablı qələbə sayəsində müəyyənləşdirib. Oyunda qolları Mancukiç, Dibala və Aleks Sandro vurub.
Massimiliano Alleqrinin yetirmələri bununla 1931-1935-ci illər dövründə müəyyən etdikləri rekordu yeniləyiblər. Həmin vaxt "Qoca Sinyora" beş dəfə ard-arda çempion titulunu qazanmağa nail olmuşdu və onun bu qalibiyyət seriyasını sonda "Bolonya" qıra bilmişdi.
