Bakı. Trend:
Güclü külək nəticəsində Qəbələ-İsmayıllı avtomobil yolunun Qəbələ rayon, Vəndam qəsəbəsi və İsmayıllı rayon, Topçu kəndi ərazilərindən keçən hissəsində iri gövdəli ağaclar aşıb.
Trend Fövqəladə Hallar Nazirliyinin (FHN) saytına istinadən xəbər verir ki, nəticədə avtomobil yolu bağlanılıb.
Dərhal Nazirliyin Şimal-qərb Regional Mərkəzinin xilasediciləri hadisə yerinə cəlb olunaraq müvafiq tədbirlər görüblər və nəqliyyatın hərəkətini bərpa ediblər.
Əməliyyat saat 18:42-də başa çatıb.
