Bakıda keçirilən 4-cü İslam Həmrəyliyi Oyunları idman mübarizəsi ilə yanaşı əsl bayramı əhval-ruhiyyəsi ilə yadda qalacaq.
İslamiadanın güləş yarışlarının keçirildiyi Heydər Əliyev adına
İdman Arenasında maraqlı anlar yaşanıb. Arenada güləş yarışlarının
son günü Nigeriyanın qadın güləşi üzrə yığma komandasının 55 kq
çəki dərəcəsindəki təmçilçisi Odunayo Folasade Adekuoroye
İslamiadanın qızıl medalını qazanmasını gözəl bir mahnı və rəqs
ifası ilə qeyd edib. Onun bu ifası sosial şəbəkələrdə böyük marağa
səbəb olub.
Qeyd edək ki, nigeriyalı Odunayo Folasade Adekuoroyenin qalib
olduğu çəkidə Azərbaycan güləşçisi Natalya Sinişin gümüş, Türkiyə
idmançısı Bediha Gün bürünc medal qazanıb.
Xatırladaq ki, 200 milyon əhalisi olan Nigeriya 4-cü İslam Həmrəyliyi Oyunlarında 2-si qızıl, 3-ü gümüş, 1-i bürünc olmaqla ümumilikdə 6 medal qazanaraq komandaların medal sıralamasında 17-ci yerdədir.
(milli.az)