“InvestAZ”dan dünya maliyyə bazarları ilə bağlı həftəlik analiz

“InvestAZ”dan dünya maliyyə bazarları ilə bağlı həftəlik analiz
18:36 22 May 2017
Ölkə mətbuatı
A- A+

Bakı. Trend:

InvestAZ İnvestisiya şirkətinin analitikləri bu həftə üzrə dünya maliyyə bazarlarında son vəziyyət və qısa müddət ərzində gözlənilənlərlə bağlı məlumat verib.

EUR

Foreks bazarlarında EUR/USD məzənnəsi 1.1212$-a kimi bahalaşmaqla, son yarım ilin maksimum səviyyəsini yeniləməkdə davam edir. Beləliklə, məzənnə 1.12$-ın üzərində qaldıqca, 1290$ və 1365$-a kimi də bahalaşa bilər.

Avrozonada makro iqtisadi vəziyyətin yaxşılaşması və Avropa Mərkəzi Bankının yumşaq monetar siyasətini dayandıra biləcəyi ilə bağlı investorların gözləntiləri, dünya birjalarında avroya olan tələbi daha da artırır.

GBP

GBP/USD valyuta cütlüyünün qiyməti də keçən həftə ərzində 1.3050$-a kimi bahalaşmışdır. Qiymət 1.3180$-a kimi bahalaşaraq, bu səviyyənin üzərində möhkəmlənərsə, artım trendinin 1.3222$-a kimi də sürətlənə biləcəyi proqnozlaşdırılır. Böyük Britaniyada iyun ayının 6-da keçiriləcək növbədənkənar parlament seçkiləri və Avropa Birliyi ilə BREKSİT danışıqları fonunda gözləntilər də funtun bahalaşmasına müsbət təsir edir.

TRY

Dünya birjalarında dolların ucuzlaşması, Türkiyə maliyyə bazarlarında da Türk lirəsinin bahalaşmasına səbəb olur. Belə ki, cümə axşamından etibarən Türk lirəsi 3.64TL-dən 3.57TL-ə kimi dəyər qazanmışdır və qiymət 3.57TL-nin üzərində qalarsa, 3.55TL-ə kimi də dəyər qazana bilər.

OIL

Enerji bazarlarında Avropanın Brent markalı neftinin bir barel qiyməti də artıq 54$-a kimi dəyər qazanıb. Brent markalı neftin qiyməti üzrə texniki mənzərənin təhlilləri onu göstərir ki, gələcək günlər ərzində 53.72$-ın üzərində möhkəmlənə biləcək qiymət, 54.60 və 55.56$-a kimi də dəyər qazana bilər. Eyni zamanda, bu həftənin cümə axşamı Vyana şəhərində baş tutacaq Neft İxrac Edən Ölkələr Birliyinin (ing.: “OPEC”) 172-ci rəsmi toplantısı da investorların diqqət mərkəzindədir.

GOLD

Foreks bazarlarında dolların ucuzlaşması, Amerikanın yeni höküməti fonunda qalmaqalların yenidən gündəmə gəlməsi və dünyanın digər regionlarında müşahidə edilən siyasi qeyri-müəyyənliklər, əlvan metallar bazarında qızıla olan tələbi də artırır. Beləliklə, son iki həftə ərzində 1265$-a (40.6 $/qram) kimi bahalaşan qızılın bir unsiya üzrə qiyməti gələcək günlər ərzində 1282$-a (41.1 $/qram) kimi də bahalaşa bilər.

İnvestisiya ilə bağlı suallarınızı *1234 telefon nömrəsi və www.investaz.az veb saytı vasitəsilə bizə ünvanlaya bilərsiniz.


Xəbərin orijinal ünvanı: http://az.trend.az/business/economy/2757798.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR