İngiltərənin Mançester şəhərində stadionda ardıcıl iki partlayış baş verib.
Publika.az vesti.ru-ya istinadən xəbər verir ki, insident “Mançester-Arena”da, məşhur ABŞ müğənnisi Ariana Qrandenin konserti zamanı qeydə alınıb.
Partlayışlardan sonra stadionda təşviş yaranıb, insanlar stadionu tərk etməyə cəhd ediblər.
Partlayış nəticəsində ölən və yaralananlar var. Hazırda polis insidentin detallarını araşdırır.
Qeyd edək ki, 21 min nəfərlik tamaşaçı tutumuna malik “Mançester Arena” stadionu 1995-ci ildə istifadəyə verilib.