Ər-Riyadda keçirilən sammitdə Donald Trampın çıxışı zamanı ABŞ-ın ticarət naziri yatıb. APA TV-nin Rusiya mətbuatına istinadən məlumata görə, Uilbur Rossun mürgüləməsi kameralardan yayınmayıb.
Nazir prezidentin qızı İvankanın yanında oturub. Həmin an Donald Tramp məhz iki ölkə arasında ticarət əlaqələrindən və yeni anlaşmaların vacibliyindən bəhs edib.
Xatırladaq ki, Donald Tramp prezident kimi ilk xarici səfərini Səudiyyə Ərəbistanına edib. Dövlət Departamentinin rəhbəri Reks Tillerson bu səfəri tarixi hadisə adlandırıb.
