Bakı. Trend:
Böyük Britaniyanın paytaxtı Londonda terror həyəcanı yaşanıb.
Trend-in məlumatına görə, Mançester şəhərindəki terror aktından sonra Londonda "Viktoriya" avtobus terminalının yaxınlığında aşkar edilən şübhəli bir bağlama polisi hərəkətə keçirib.
Təhlükəsizlik tədbirləri ilə əlaqədar terminal və Bukingem Sarayına gedən yollar bağlanıb.
London meri Sadiq Xan küçələrdə daha çox polisin olacağı ilə bağlı xəbərdarlıq edib.
Qeyd edək ki, bu gecə "Mançester Arena" stadionunda amerikalı müğənni və aktrisa Ariana Qrandenin konserti zamanı iki güclü partlayış baş verib. Hadisə nəticəsində 22 nəfər ölüb, 50 nəfər xəsarət alıb.
İŞİD terror qruplaşması partlayışa görə məsuliyyəti öz üzərinə götürüb.
