Bakıda bank tərəfindən evi əlindən alının şəxs özünü yandırıb. Lent.az xəbər verir ki, hadisə Neftçilər prospekti 63 ünvanında yerləşən "Bank Respublika"nın filialının qarşısında baş verib. Yasamal rayon sakini olan 1953-cü il təvəllüdlü Manafov Ramiz Manaf oğlu bankın qarşısında üstünə benzin tökərək özünə od vurub. Bankın mühafizəçiləri onu söndürməyə çalışıb. Həmin şəxs hadisə yerinə gəlmiş təcili tibbi yardım maşını ilə Kliniki Tibbi Mərkəzə aparılıb.
Bildirilir ki, özünü yandıran şəxsin banka xeyli kredit borcu olub və aldığı vəsaiti geri qaytara bilmədiyinə görə bank onun evini əlindən alıb.
