Azərbaycan Bakı Ticarət Festivalından nə qədər gəlir əldə etdi?

Azərbaycan Bakı Ticarət Festivalından nə qədər gəlir əldə etdi?
12:06 24 May 2017
29 Ölkə
Ölkə mətbuatı
A- A+

Azərbaycan dövlət büdcəsinin Bakı Ticarət Festivalının keçirilməsindən gəlirləri 5,6 milyon manat təşkil edib.

Milli.Az Trend-ə istinadən xəbər verir ki, bunu mədəniyyət və turizm naziri Əbülfəs Qarayev festivalın yekununa həsr olunan mətbuat konfransında deyib.

Nazir qeyd edib ki, bu göstərici festivalın təşkilinə çəkilən xərcləri əhəmiyyətli dərəcədə üstələyib.

Ə.Qarayev bildirib ki, birinci festival çərçivəsində 1,8 milyon manat dəyərində ƏDV müştərilərə qaytarılıb:

"Festivalda 205 mağaza iştirak edib. Onlardan 172-si ƏDV-nin qaytarılması proqramının iştirakçısı olub. "Tax free" sistemi çərçivəsində ümumi dövriyyəsi 18,17 milyon manat təşkil etmiş 23 242 hesab-faktura təqdim edilib".

Qeyd edək ki, hər il təşkil ediləcək Bakı Ticarət Festivalı bu il aprelin 10-dan mayın 10-dək Azərbaycan paytaxtında keçirilib. Növbəti festivalın keçirilməsi 2017-ci ilin sonuna nəzərdə tutulub.

Milli.Az

Digər maraqlı xəbərlər Milli.Az-ın Facebook səhifəsində


Xəbərin orijinal ünvanı: http://news.milli.az/country/547781.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR