Bakı. 24 may. REPORT.AZ/ Bu il iyunun əvvəlində Monteneqro rəsmi olaraq NATO-ya daxil olacaq.
"Report"un verdiyi xəbərə görə, bu barədə NATO-nun baş katibi Yens Stoltenberq deyib.
2016-cı il mayın 19-da NATO-ya üzv ölkələr arasında Monteneqronun Alyansın tərkibinə daxil edilməsi haqda protokol imzalanmışdı. Bununla da ölkəyə qurumun iclaslarında müşahidəçi qismində istirak etmək statusu verilmişdi.
Sənəd Alyansa daxil olan 28 üzv-ölkələr tərəfindən ratifikasiya edildikdən sonra Monteneqro NATO-nun tamhüquqlu üzvü olacaq.
