Bakı Baş Gömrük İdarəsində sahibkarlarla görüş keçirildi

Bakı Baş Gömrük İdarəsində sahibkarlarla görüş keçirildi
15:43 24 May 2017
Ölkə mətbuatı
A- A+

Mayın 24-də Bakı Baş Gömrük İdarəsində idxal-ixrac əməliyyatları ilə məşğul olan bir qrup biznes subyektləri ilə görüş keçirilib.

Publika.az xəbər verir ki, görüşdə çıxış edən Bakı Baş Gömrük İdarəsinin rəisi, gömrük xidməti general-mayoru Vüsal Novruzov Prezident İlham Əliyevin ölkə iqtisadiyyatının davamlı və çoxşəxali inkişaf istiqamətində atdığı addımlarda bəhs edərək bildirib ki, aparılan məqsədyönlü siyasətin nəticəsi olaraq ölkəmizin bütün sahələrdə sürətli tərəqqisi təmin edilib. Xüsusilə son illərdə qeyri-neft sektorunun- turizm, kənd təsərrüfatı sahələrinin inkişafına göstərilən dəstək milli iqtisadiyyatımızda bu sektorun payını artırıb. Sahibkarlığın inkişaf etdirilməsi, daxili istehsalın stimullaşdırılması, mal və xidmətlərin keyfiyyətinin yüksəldilməsinin ölkəmizin ixrac potensialının artmasına təkan verdiyini bildirən Vüsal Novruzov iqtisadi təhlükəsizliyimizn təmin olunması,daxili bazarın qorunması, ticarətin asan, sürətli və şəffaf şəkildə həyata keçirilməsinə gömrük orqanlarının, o cümlədən Bakı Baş Gömrük İdarəsinin də öz töhfəsini verdiyini diqqətə çatdırıb.

İdarə rəisi ölkə başçısı tərəfindən gömrük sahəsində həyata keçirilən mütərəqqi islahatların gömrük orqanları tərəfindən uğurla reallaşdırıldığını vurğulayaraq, “Bir pəncərə”, “Elektron bəyannamə”, “Yaşıl dəhliz” və digər yeniliklərin idxal-ixrac əməliyyatlarının sürətli və şəffaf şəkildə həyata keçirilməsinə münbit şərait yaratdığını bildirib. Biznes – gömrük əməkdaşlığının inkişaf etdirilməsi, qarşılıqlı işgüzar münasibətlərin peşəkar şəkildə qurulmasının ümumi işə faydasından bəhs edən Vüsal Novruzov gömrük orqanlarının daim sahibkarların yanında olduğunu, onları narahat edən məsələlərin bundan sonra operativ və obyektiv şəkildə həllini tapacağın diqqətə çatdırıb.

Tədbirdə çıxış edən sahibkarlar ölkə başçısı tərəfindən biznes subyektlərinə göstərilən dəstəyi, sahibkarlıq mühitinin yaxşılaşdırılması istiqamətində atılan addımları və gömrük orqanlarının bu sahədəki məsuliyyətli və peşəkar yanaşmasını yüksək qiymətləndiriblər.

Qarşılıqlı diskussiya şəraitində keçən görüşdə sahibkarları maraqlandıran suallar ətraflı cavablandırılb.


Xəbərin orijinal ünvanı: http://publika.az/news/gundem/200013.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR