21-22 mayda Səudiyyə Ərəbistanında keçirilən
Ərəb-İslam-Amerika sammiti geosiyasi gediş olaraq diqqət çəkməklə
yanaşı, maraqlı anlarla da yadda qaldı.
Publika.az xəbər verir ki, sammitdə Mərkəzi Asiya
ölkələrinin – Qazaxıstan, Özbəkistan və Tacikistan prezidentləri
xüsusi diqqət çəkdi. Xüsusilə sammit öncəsi foyedə yaşananlar
maraqlı idi.
Əvvəlcə Özbəkistan prezidenti Şövkət Mirziyoyevlə Tacikistan
prezidenti Emomali Rahmon görüşdü. Onların isti münasibətləri ilə
yanaşı, əl-ələ tutuşmaları da diqqət çəkdi. Daha sonra Qazaxıstan
prezidenti Nursultan Nazarbayev onlara qoşulur.
Həmin anları göstərən videoda Nazarbayevin zarafat etdiyini, Şövkət
Mirziyoyevin isə buna ürəkdən güldüyü görünür. Bununla yanaşı,
Nazarbayevlə Rəhmonun əl-ələ tutaşaraq, gəzməsi də maraq doğurur.
Bu dostluğun nişanəsidir.
Digər maraqlı məqam isə Emomali Rahmonun ABŞ prezidenti Donald
Tramla əl görüşməsidir. Tramp öz ənənəsinə uyğun olaraq görüşdüyü
prezidentlərin əlini möhkəm sıxır və öz tərəfinə doğru çəkir. Lakin
Rahmonla bu alınmadı. Əksinə, tacik lider ABŞ prezidentini özünə
doğru çəkdi və əlini möhkəm sıxdı.
Asif
