Milli.Az xəbər verir ki, Bakı Şəhər Mədəniyyət və Turizm Baş İdarəsinin 3 nömrəli Uşaq incəsənət məktəbi R.Behbudov adına Mahnı Teatrında "28 May -Respublika günü"nə həsr olunmuş hesabat konserti keçirib.
Konsertdə Bakı Şəhər Mədəniyyət və Turizm Baş İdarəsinin rəisi V.Zeynalov və İdarənin bir sıra əməkdaşı iştirak edib. Konsertin aparıcısı T.Salamova qonaqları salamladıqdan sonra 28 May Respublika günü haqqında ətraflı məlumat verib, bu gunun tarixi əhəmiyyətindən danışıb.
Sonra 3 nömrəli Uşaq incəsənət məktəbinin bütün şöbələrinin istedadlı şagirdləri şərq və qərb musiqisinin fəzadını əks etdirən musiqi nömrələri ilə çıxış ediblər. Gənc musiqiçilər Nəfəsli alətlər orkestri, İnstrumental ansambl, Skripkaçılar ansamblı, "Şənlik" rəqs ansamblı, solo ifalarda isə Beynəlxalq və Respublika müsabiqələri laureatları fortepiano, skripka, vokal, xanəndə, valtorna və tarda müxtəlif nömrələr təqdim ediblər.
Milli.Az
