UEFA Avropa Liqasında çempion müəyyənləşib.
Metbuat.az-ın məlumatına görə, İsveçin Stokholm şəhərində keçirilən final matçında "Mançester Yunayted" və "Ayaks" üz-üzə gəliblər.
Oyunun 18-ci dəqiqəsində fərqlənən Pol Poqba "qırmızı şeytanlar"ı hesabda önə çıxarıb. İlk hissədə başqa qol olmayıb. İkinc hissə başlar-başlamaz isə Henrik Mxitaryan hesab arasındakı fərqi artırıb. Qalan dəqiqələr ərzində hesab dəyişməyib. Beləliklə, qələbə qazanan "Mançester Yunayted" UEFA Avropa Liqasının qalibi olub.
Avropa Liqası
Final
24 may
“Ayaks” (Hollandiya) – “Mançester Yunayted” (İngiltərə) - 0:2
Qollar: Poqba, 18, Mxitaryan, 48
Baş hakim: Damir Skomina
Stokholm. “Frends Park” stadionu
Bununla da "Mançester Yunayted" növbəti mövsüm Çempionlar Liqasında iştirak etmək hüququ qazanıb.
