Bakı. 24 may. REPORT.AZ/ Kişi voleybolçulardan ibarət Azərbaycan milli komandası 2018-ci il dünya çempionatının seçmə qrup mərhələsi çərçivəsində bu gün növbəti oyununa çıxacaq. "Report"un məlumatına görə, Fransanın Lion şəhərində təşkil olunan A qrupunda II tur qarşılaşmasında rəqib Almaniya olacaq.
Bakı vaxtı ilə saat 17:00-da başlanacaq görüşü xorvatiyalı hakim Milan Raykoviç və onun rumıniyalı həmkarı Alin Mateyzer idarə edəcək.
İlk turda Almaniya Ukraynaya 3:0 hesabı ilə qalib gəldiyi halda, Azərbaycan millisi Türkiyəyə eyni hesabla uduzub.
Qeyd edək ki, reqlamentə əsasən yalnız qrup qalibi mərhələ adlayacaqlar. İkinci yerin sahibi isə "pley-off"da oynayacaq.
