Bakıda əvvəllər məhkum olunmuş şəxs marşrutda oğurluq edərkən saxlanılıb

Bakıda əvvəllər məhkum olunmuş şəxs marşrutda oğurluq edərkən saxlanılıb
17:12 25 May 2017
55 Ölkə
Ölkə mətbuatı
A- A+

Bakı. 25 may. REPORT.AZ/ Bakıda marşrutda oğurluğa cəhd edən şəxs saxlanılıb.  
DİN-dən "Report"a verilən məlumata görə, mayın 24-də Sabunçu rayonunun Zabrat qəsəbəsi ərazisində hərəkətdə olan 107 saylı xətt avtobusunda Sultan Tağıyev cibindən pulunun çıxarılmasından duyuq düşür. Sərnişinlərdən biri yaranmış sıxlıqdan istifadə edərək onun cibindən 587 manatını oğurlayıb, lakin səs-küy yarandığından həmin pulu yerə atmağa məcbur olub.
Digər sərnişinlərin köməyi ilə saxlanılan həmin şəxs barəsində qanuni ölçü götürülməsi üçün avtobusdan düşürülərək dayanacağın yaxınlığındakı Əlahiddə Çevik Polis Alayının əməkdaşlarına təhvil verilib.
Şübhəli şəxs qismində 15-ci Polis Bölməsinə gətirilənin Bakı şəhər sakini, əvvəllər məhkum olunmuş Fəhrəddin Məlikov olduğu müəyyən edilib. Onun üzərinə baxış zamanı 0,766 qram heroin də aşkar edilərək götürülüb.

Xəbərin orijinal ünvanı: https://report.az/hadise/bakida-evveller-mehkum-olunmus-sexs-marsrutda-ogurluq-ederken-saxlanilib

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR