Gəncədə avtomobil səkiyə çırpılıb.
Publika.az xəbər verir ki, hadisə şəhərin Nizami Gəncəvi prospektində qeydə alınıb. Hərəkətdə olan “BMW” markalı avtomobil idarəetmədən çıxaraq yolun kənarındakı səkiyə çırpılıb. Qəza zamanı avtomobildə olan bir nəfər xəsarət alaraq Gəncə Şəhər Təcili Tibbi Yardım Xəstəxanasına yerləşdirilib. Vəziyyətinin normal olduğu bildirilir.
Faktla bağlı hüquq-mühafizə orqanları tərəfindən araşdırma aparılır.