Axşam saatlarında Qazax şəhərində bıçaqlanma hadisəsi baş verib.
Publika.az xəbər verir ki, Qazax rayon sakini, 1971-ci il təvəllüdlü Məmmədov Namiq Əli oğlu hazırda məlum olmayan səbəbdən naməlum şəxs tərəfindən bıçaqlanıb.
O, qarın nahiyəsindən 1 bıçaq yarası ilə Qazax Rayon Müalicə Diaqnostika Mərkəzinə aparılıb. Yaralı əməliyyat olunaraq Reanimasiya şöbəsinə yerləşdirilib. Onun vəziyyəti ağırdır.
Qazax rayon Polis şöbəsindən verilən məlumata görə, hadisənin kim tərəfindən törədildiyi və səbəbi araşdırılır. (report)