Baku. 27 May. REPORT.AZ/ Bakıda 28 May - Respublika Günü münasibətilə yürüş keçirilib.
"Report" xəbər verir ki, yürüş Dövlət Təhlükəsizliyi Xidməti (DTX) və Gənclər və İdman Nazirliyinin birgə təşkilatçılığı ilə baş tutub.
Yürüşdə Dövlət Təhlükəsizliyi Xidmətinin rəisi, general-leytenant Mədət Quliyev, Dövlət Sərhəd Xidmətinin rəisi, general-polkovnik Elçin Quliyev, idmançılar, media nümayəndələri iştirak ediblər.
Mədət Quliyev jurnalistlərə açıqlamasında bildirib ki, Azərbaycandakı inkişaf dünyada yoxdur: "Bu xalq müstəqilliyini əldə edib və itirməycək. Xalqımız 10-20 il bundan əvvəlki xalq deyil. Xalqımız mötəbər Prezidentimizin, Birinci vitse-prezidentimiz Mehriban Əliyevanın ətrafındadır və uğurla inkişaf edir".
Yürüş 5 km məsafəni əhatə edib.
Sonda media nümayəndələri yürüşdə iştiraklarına görə diplomla təltif edilib.
