“Qəbələ”nin Avropa Liqasının I təsnifat mərhələsindən azad olacağı ehtimalı yüksəlib.
Fanat.Az xəbər verir ki, bu barədə sport24.az-a məlumatı “qırmızı-qaralar”ın baş meneceri Zaur Əzizov verib.
O, dünən UEFA-dan rəsmi məktub aldıqlarını bildirib: “Qitənin ali futbol qurumundan dünən aldığımız məktubda birbaşa bildirilməsə də, Avropa Liqasına II təsnifat mərhələsindən başlayacağımıza dair ehtimalın yüksək olduğu yazılıb. Son olaraq buna dair məlumatı iyunun 4-də alacağıq”.
Qeyd edək ki, bu məsələ iyunun 3-də baş tutacaq Çempionlar Liqasının finalı – “Yuventus”la “Real” arasındakı matçdan sonra rəsmi təsdiqini tapacaq.
Fanat.Az
