İspaniya Kral Kubokunda qalib bəlli olub.
Metbuat.az bildirir ki, finalda “Alaves”lə qarşılaşan “Barselona” yenidən ikinci dərəcəli mükafata sahib çıxıb.
“Visente Kalderon”da oynanılan matçda kataloniyalılar 3:1 hesablı qələbəyə seviniblər. Messi, Neymar və Pako komandaya kuboku gətirən qollara imza atıblar.
Qeyd edək ki, ardıcıl 3-cü dəfə kuboku qazanan “Barselona” ümumilikdə 29 dəfə qalib olub və bu sahədə liderliyi ələ keçirib.