İmişli rayonunda yol qəzası baş verib.
APA-nın Mil-Muğan bürosunun verdiyi məlumata görə, “VAZ 2106” markalı avtomobil hərəkətdə olarkən idarəetməni itirib və maşın dirəyə çırpılıb.
Qəza zamanı sürücü, Cavadxan kənd sakini, 1964-cü il təvəllüdlü Nəcəfov Elman Hafiz oğlu və bacısı, 1955-cı il təvəllüdlü Əyyubova Fatma Hafiz qızı müxtəlif bədən xəsarətləri alaraq İmişli rayon Mərkəzi Xəstəxanaya yerləşdiriliblər.
Vəziyyətlərinin normal olduğu bildirilir. Faktla bağlı araşdırma aparılır.