Dünyanın ən titullu futbolçusu nə MESSİDİR, nə də RONALDO

Dünyanın ən titullu futbolçusu nə MESSİDİR, nə də RONALDO
23:03 28 May 2017
97 İdman
Ölkə mətbuatı
A- A+

Dünyanın ən titullu futbolçusunun adına aydınlıq gəlib.

Publika.az xəbər verir ki, Maksvell PSJ ilə Fransa Liqa kubokunu qazanaraq aktivindəki mükafat sayını bir az da artırıb və bu, braziliyalı oyunçunun müxtəlif turnirlərdə qazandığı 37-ci qələbə olub.

35 yaşlı sol cinah müdafiəçisi bununla da dünyanın ən çox kubok qazanan futbolçusu olub.

Futbol karyerasında vətəni Braziliyada – “Kruzeyro”da başlayan Maksvell burada 1 kubok əldə edib.

Daha sonra Avropadakı ilk klubu “Ayaks”da 6 dəfə “qənimət”i başı üzərinə qaldıran “solaxay”, İtaliya “İnter”i ilə də 5 dəfə müxtəlif turnirlərin qalibi olub.

Ardınca “Barselona”ya transfer olan Maksvell kataloniyalılarla 10 dəfə müxtəlif səviyyəli titullar qazanıb.

Hazırda karyerasını davam etdirdiyi PSJ-də isə son olaraq əldə etdiyi Fransa Kuboku ilə birlikdə qazancını 15-ə çatdıran Maksvell dünya rekordunu müəyyənləşdirib.


Xəbərin orijinal ünvanı: http://publika.az/news/idman/200492.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR