Həkimlər deyir ki, Ramazan ayında mədə-bağırsaq problemləri, həmçinin zəhərlənmə səbəbi ilə xəstəxanaya müraciət edənlərin sayında artım olur.
Bu il müsəlmanlar oruc tutmağa 6 iyundan başlayacaqlar. Bu isə o deməkdir ki, istilərin də təsiri ilə Ramazan ayında sağlamlıq problemləri ilə üzləşmək ehtimalı arta bilər.
Türkiyəli həkim-diyetoloq Elif Küçük Ramazan ayında mədə, ürək və təzyiqlə bağlı problemlər yaşamamaq üçün bir neçə məsləhətə əməl etmək lazım olduğunu bildirib.
Publika.az həkimin məsləhətlərini təqdim edir:
*İftarla imsak arasında 2 dəfə qəlyanaltı etmək lazımdır.
*Bol miqdarda qatıq yeyib, ayran için.
*İftarla imsak arasında 10 stəkan su içməlisiniz.
*Şirniyyatı iftar yeməyindən 1-2 saat sonra yeyin.
*Həddən artıq yağlı və duzlu qidalardan uzaq durun.
*İmsak vaxtı çiy tərəvəzlər və meyvə yeyin, kompot için.
*Bir və ya iki çeşid yemək yeyin. Qidaları qarışdırmaq maddələr mübadiləsini poza bilər.