Ən çox nəqliyyat hadisəsi Ramazan ayı ərəfəsində baş verir.
Lent.az-ın xarici KİV-lərə istinadən məlumatına görə, yeni araşdırmaların nəticələri göstərir ki, Ramazan ayı ərəfəsində yaşanan nəqliyyat hadisələri əsasən səhər saat 9-10 arası qeydə alınır.
Bu da oruc tutmağın insan səhhətinə və davranışına göstərdiyi təsirlə əlaqələndirilir. Belə ki, saatlarla ac qalmaq susuzluq və aşağı qan şəkəri kimi problemlərə yol açır və diqqətlilik, konsentrasiya, görməyə mənfi təsir edir. Bundan başqa imsakla bağlı erkən oyanmaq, qida nizamının pozulması yorğunluq, tükənmə, səbirsizlik və yayındırma kimi hallara səbəb ola bilər.
Elə ötən il Dubayda Ramazanın ilk günündə 5 saat içində 2,419 yol nəqliyyat hadisəsi baş verib. Qətər polisi isə oruc tutan sürücülərə yorğun və yuxulu hallarında maşın sürməməyi məsləhət görüb.
Deyilənə görə, yaşan nəqliyyat hadisələrinin 39 faizi hindlilərin payına düşür.
Bundan başqa, Ramazan ayı ilə bağlı başqa maraqlı bir faktı da diqqətinizə çatdırmaq istəyirdim.
Belə ki, dünyada ilk dəfə ən böyük iftar süfrəsi 2012-ci ildə təşkil edilib.
Avqustun 25-i Türkiyədə təşkil edilən iftar süfrəsində 20 min 715 nəfər iştirak edib. Bununla da Türkiyə rekordu yeniləmiş olub. Buna qədər isə ilk dəfə İranda İmam Rza məscidində 20 min adamın iştirakı ilə iftar süfrəsi açılıb.