28 May - Respublika Günündə İstanbul boğazında tarixi an yaşanıb.
Belə ki, Türkiyə vaxtı ilə saat 20:35-də işıqları yandırılan körpüdə hava qaraldıqca möhtəşəm görüntü ortaya çıxıb. 29 illik tarixi olan körpü mavi, qırmızı və yaşıl rənglə işıqlandırılıb.
Milli.Az bildirir ki, ARB TV həmin anları xüsusi reportajla ekrana gətirib.
1988-ci il də istifadəyə verilən və 1,5 kilometr uzunluğunda olan körpünü İstanbulun ən gözəl məkanlarından açıq aydın izləmək mümkündür. Hər gecə qırmızı rəngə boyanan körpünün ilk dəfə fərqli formada işıqlandırılması yerli sakinlərdə də maraq yaradıb.
Körpünün yaxınlığına gələn Azərbaycan və Türkiyə vətəndaşları əllərində ölkəmizin bayrağını tutaraq xatirə şəkli çəkdiriblər.
Qeyd edək ki, bu hadisə Azərbaycanın İstanbul şəhərindəki baş konsulluğunun təşəbbüsü, İstanbul valiliyi və Türkiyənin Nəqliyyat, Dənizçilik və Kommunikasiya Nazirliyinin dəstəyi ilə həyata keçirilib.
Fatih Sultan Mehmet Körpüsünün işıqlandırılması bütün gecə boyu davam edib.
Videonu izləmək üçün şəklə klikləyin:
Milli.Az
Digər maraqlı xəbərlər Milli.Az-ın Facebook səhifəsində