"Elşən Abdullayevin icarəyə verilməsi gündəmdə deyil. Ola bilsin, xəbər mətbuata məqsədli şəkildə ötürülüb". Bu sözləri Fanat.Az-a açıqlamasında "Qarabağ"ın meneceri Asif Əsgərov deyib.
Klub rəsmisi əlavə edib: "Hələ yeni transferlər reallaşmayıb. Belə vəziyyətdə Elşənin az oynamaq ehtimalı yaranmayıbsa, onu niyə icarəyə verməliyik ki... Gələcəkdə formada qalması üçün hansısa gənc futbolçumuzun başqa Premyer Liqa klubuna göndərilməsi mümkündü. Amma Elşənin "Zirə"yə icarəyə veriləcəyini mən də mətbuatdan oxumuşam".
Qeyd edək ki, "Qarabağ"a "Neftçi"dən transfer olunan Elşən U-23 millimizin heyətində Bakıda keçirilən son İslamiadanın qalibi olub.
Fanat.Az
