Qəbələ sakini Seymur Cavadov lazımsız əşyalardan göz oxşayan bina və evlərin maketlərini, mənzillərin işıqlandırılması, mebel dəstləri, hamam və mətbəx aksesuarları düzəldir. Onun əli işi real həyatdakından fərqlənmir. Seymur Cavadov 4 ildir bu işlə məşğuldur.
Milli.Az bildirir ki, onun əl işləri içərisində gəmi, bağ evləri, villalar və kateclər üstünlük təşkil edir. Seymur bütün bunları karton, kağız, taxta parçaları, daşlar, ağac budaqları və digər tullantı materiallardan istifadə etməklə hazırlayır.
Bir sıra maket hazırlayanlar adətən hər hansı bir əşyanın çöl görünüşünü düzəldir. Ancaq onun əl işlərinin fərqi evin işıqlandırmasından tutmuş mebel əşyalarına, hətta hamam aksesuarlarına qədər hər xırda detalın hazırlanmasıdır.
Seymur Cavadovun istəyi gələcəkdə Azərbaycanda olan tarixi abidələrin maketlərini hazırlamaq və bu əl işlərini beynəlxalq sərgilərdə nümayiş etdirməkdir. /xezerxeber.az
Milli.Az
Videonu izləmək üçün şəklə klikləyin:
