Hindistanda bir televiziya verilişinə qatılan aktyor Bred Pitt "Bollywood" filmlərinə çəkilməmə səbəbini açıqlayıb.
Milli.Az axşam.az-a istinadən bildirir ki, yeni filmi "Müharibə maşını"nın ("War Machine") premyerası üçün Hindistana gedən Pitt orada maraqlı açıqlamalar verib.
53 yaşlı aktyor "Bollwood" ulduzları kimi rəqs edə bilmədiyini söyləyib:
"Bollywood"da filmə çəkilmədim, çünki rəqs edə bilmirəm. Edə bilmərəm də. Bundan başqa musiqi bacarığım da yoxdur. Çəkildiyim "Həyat Ağacı" ("The Tree of Life") filminin piano səhnəsində də dublyordan istifadə edilib".
Aparıcısı aktyor Şahruk Xan olan proqramda Bredin bu sözləri hər kəsin gülüşünə səbəb olub.
Milli.Az