Bakı. 30 may. REPORT.AZ/ Azərbaycanda aparılan özəlləşdirmə prosesi çərçivəsində ölkə iqtisadiyyatına 1,1 mlrd. manatdan çox investisiya yatırılıb.
“Report” xəbər verir ki, bunu Bakıda “İqtisadi islahatlar: Əldə edilmiş nəticələr və tövsiyələr” mövzusunda keçirilən konfransda çıxış edən Əmlak Məsələləri Dövlət Komitəsinin sədri Kərəm Həsənov deyib.
K.Həsənov özəlləşdirmə nəticəsində yeni iş yerlərinin də yaradıldığını qeyd edib: "Bizdə olan məlumata görə, özəlləşdirilən idarə və müəssisələrdə 320 mindən çox yeni iş yeri yaradılıb".
Komitə sədri deyib ki, özəlləşdirilməyə çıxarılan müəssisələrin qiymətləndirilməsi üçün müstəqil qiymətləndiricilər cəlb edilib: "Ötən müddət ərzində 35 hərrac keçirilib və nəticədə, 1 100-dən çox dövlət əmlakı özəlləşdirilib".
