Bakı. 30 may. REPORT.AZ/ Dağıstanda Rusiya Cənub Hərbi Dairəsinin motoatıcı alayının terrorla mübarizə bölməsinin qəfil yoxlaması keçirilib.
"Report" RİA "Novosti"yə istinadən xəbər verir ki, CHD-nin mətbuat xidmətinin rəhbəri, polkovnik Vadim Astafyev qəfil yoxlamaya təxminən 100 hərbçinin və 5 hərbi texnikanın cəlb edildiyini bildirib.
O, hərbçilərin Buynaksk şəhərində və Qerey-Avlak qəsəbəsində silah-sursat anbarını və döyüş nəqliyyat vasitələri parkını ələ keçirmək məqsədilə hərbi şəhərciyə soxulmuş şərti düşmənin qarşısının alınması üzrə təlimləri yerinə yetirdiklərini əlavə edib.