Bakı. 30 may. REPORT.AZ/ Belarus prezidenti Aleksandr Lukaşenko yenidən Milli Olimpiya Komitəsinin (MOK) prezidenti seçilib. "Report"un məlumatına görə, seçki MOK-un Minskdə keçirilən yığıncağı çərçivəsində baş tutub.
A.Lukaşenko çıxışında olimpiya hərəkatına çox aydın və prinsipial qiymət vermələrinin gərəkliyini vurğulayıb. O, MOK Nizamnaməsində korrektəyə ehtiyac duyulduğunu da vurğulayıb.
Qurumun birinci vitse-prezidenti vəzifəsinə isə əməkdar idman ustası Andrey Astaşeviç seçilib.
Qeyd edək ki, Aleksandr Lukaşenko MOK-a 1997-ci ilin mayından rəhbərlik edir.