Bakı. 30 may. REPORT.AZ/ Avstraliyanın cənubunda baş verən təyyarə qəzasında 3 nəfər həlak olub.
"Report" RİA "Novosti"yə istinadən xəbər verir ki, axtarış qrupu təyyarənin qalıqlarını Renmark aeroportundan bir neçə kilometr aralıda aşkarlayıb.
Dənizdə təhlükəsizliyin təmin edilməsi şöbəsinin nümayəndəsinin bildirdiyinə görə, təyyarə havaya qalxdıqdan az sonra dispetçerə qəza siqnalı göndərib.
Polis təyyarənin göyərtəsində pilot da daxil olmaqla, 3 nəfərin olduğunu təsdiqləyib.
