“Android” mobil əməliyyat sistemi ilə işləyən cihazların sahibləri zərərverici mobil proqramların qurbanı ola bilərlər. “Play Store” tətbiqlər mağazasında təhlükəli proqramlar aşkar edilib.
“ICTnews” Elektron Xəbər Xidməti “belta.by” saytına istinadən yazır ki, “Google” şirkəti artıq zərərverici proqram təminatının təmizlənməsi ilə məşğul olub və “Judy” adlı virusa yoluxmuş təxminən 40 mobil proqramı silib. Məlum olub ki, 36 milyondan çox istifadəçinin qurğusu bu virusa yoluxub. Mütəxəssislərin araşdırmasına görə, zərərverici proqramlar Cənubi Koreyanın “Kiniwini” şirkətinə məxsusdur.
Bu şirkətin mobil proqramları bir neçə il ərzində istifadəçilər üçün əlçatan olub və bundan əvvəl belə problem qeydə alınmayıb.
Emil Hüseynov
