ABŞ və Avropa arasındakı gərginlik yeni mərhələyə qədəm qoyur. Almaniya kansleri Angela Merkelin G-7 sammitindən sonra verdiyi açıqlamalara sərt reaksiya verən Donald Tramp geri addım atmaq niyyətində deyil.
Metbuat.az-ın məlumatına görə, ABŞ lideri son "Tvitter" paylaşımında yenidən Almaniya mövzusuna toxunub: "Almaniya ilə böyük ticarət kəsirimiz var. Həmçinin NATO-ya ödəməli olduqları borcu qaytarmırlar. Bu, ABŞ üçün pisdir. Artıq dəyişiklik qaçınılmazdır".
"Avropada taleyimizi özümüz həll etməliyik" - Merkelin bu açıqlamasından dəqiqələr sonra Donald Trampın "tvit" atması diqqətlərdən yayınmayıb.
Alman Sosial Demokratlar partiyasının parlament lideri Tomas Oppermanın sözlərinə görə, Tramp Almaniyanı rəqib qismində gördüyünü açıq-aşkar bəyan edir.