ABŞ hərbçiləri qitələrarası ballistik raketləri məhv etməyə qadir raketi uğurla sınaqdan keçirib. APA-nın “RİA Novosti”yə istinadən verdiyi xəbərə görə, bu barədə ABŞ Müdafiə Nazirliyinin açıqlamasında bildirilir.
Məlumata görə, Kaliforniyada yerləşən raketdən müdafiə sistemindən (Ground-based Midcourse Defense, GMD) buraxılan raket Sakit okeandakı Marşal adasında buraxılan hədəf raketi vurub.
GMD raketdən müdafiə sistemi 2005-ci ildən istifadəyə verilib. Kaliforniya və Alyaskada 30-dək bu tip raket yerləşdirilib. 2017-ci il ərzində daha 15 GMD raketi yerləşdirmək planlaşdırılır.
